BELICA

BELICA

urbs Galliae in Bressia provinc. et in Beugea tractu, Francici iuris, ab A. C. 1600. Non longe a Rhodano. Baudran. In Notitia quadam provinciarum et civitatum; quam ex Bibliotheca Petaviana eruit publicavitque Andreas Chesnius; memoratur civitas Belicensium, quae antea (ut falso additur) castrum Argentariense vocabatur, et in provincia Maxima Sequanorum quartô locô ponitur. Robertus Autissiodorensis Belismam, alias Belisamam conrupte vocat in rovinc. Maxima Sequanorum; ceteri Belicensem civitatem; nonnulli et Bellicensem: quam in Burgundia vel in Sapaudia sub Mettopoli Bisuntina sive Vesontione collocant ultimô locô post Basiliam et Lausanam. Belioca Nostris vocatur Beley, alias Bellay, non procul a Rhodano, inter flumen et montes in Brexia posita civitas, cui et oppidum Sesselium, Seissel, ad Rhodanum inter Belicum et Genevam medium contribuitur. Hanc urbem in A. C. 858. Annales Bertiniani Episcopatum Bilisium; Massonus Bellicium nuncupat, et maiorem eius Ecclesiam a Rodulfo Ignavo, Rege Iurensi conditam esse ait, ac Iohannis Beptistae titulô censeri. Belligam Magno quasi Bellicam vocat. Belica sedes Episcopatus fuit ante annos MC. Quippe Vincentius Episcopus Ecclesiae Belicensis Synodo Parisiensi 2. regnante Childebertô Chlodovei Magni filiô, et Concilio Lugdunensi 2. Indictione 5. annô Guntchramni Principatus 6 . Christi 567. interfuit atque subscripsit: et florentius, alias Florentinus, Episcopus Ecclesiae Bellicensis Conciliô Cabilloni habitô iussu Chlodovei iunioris Francorum Regis. Nomen dedit Belica pago Belicensi, aut Bellicensi, quem quidam corrupte Bellovicensem appellant, vulgo le Bugey, alias le Beaugey, quae pars est Brexiae. Haec inter arbes fuit non provinciae modo, sed etiam Gentis Sequanorum. Est quippe in Brexia saltuve Brexio, quem in territorio Sequano ponit Aimoinus in l. 3. c. 81. nimirum a flumine Arari suburbanoque Cabillonensi usque ad flumen Rhodanum. Quare recte Amm. Marcellin. in l. 15. c. 11. de Rhodani cursu Lemanum egressi sic scribit: Und sine iactur a rerum Sa paudiam fertur et Sequanos; longeque progressus Viennensem latere sinistrô perstringit, dextrô Lugdunensem. Quippe constat Rhodanum, posteaquam lacum Lemanum egressus est; Sequanos inter et Sapaudos fluere, sive Provinciamd Maximam Sequanorum, a Sapaudia dividere, et sinistrô quidem latere apaudiam alluere, dextrô partem provinciae Sequanorum Brexiam dictam attingere, ubi est Sesselium oppidum in insula flum. Rhodani, et Belica urbs vetus, ac prisca Episcopatûs sedes, a Geneva 10. leucis, a colonia Equestri Noioduno circiter 14. distans. Vales. Notit. Galliae.